人一累就會容易發脾氣, 但人累時戰鬥力都會降低, 如果呢個時候與人動操, 都應該幾蝕底. 今日早起個人很累, 偏偏我行去食飯時, 後面有個推車送文件的係咁衝, 撞到我隻腳. 即刻撩起我把火, 我叫佢推車睇路呀, 佢都唔好相語, 我俾佢行先然後再講佢撞到我, 條友仲惡些問我夠膽就講多次. 我就再講多次. 佢好似俾我打塞, 因為佢估唔到我會真係講多次. 我之後繼續行, 一路行一路望住佢, 一來表示唔怕佢, 二來感覺到頭先一動火, 個人好似冇力咁. 所以我預備萬一佢再撞過來, 我就及時走人.