今日中午在學校游左一陣水先去 cra. 游左大概二千米. 今日既天氣非常適合游水... 水有點太涼, 但勝在有陽光. 四百四百咁游, "sin" 住水咁去...

跟 著去 cra 教新仔... 唔係我唔鍾意教, 但係好似次次都係我教. 有時諗, 我唔教, 一定會有人教, 我唔理, 一定會有人理. 點解佢地鍾意來就來, 我就一定要橦係度, 新人舊人教練都係...明日又一整日係cra, 老豆問我明日幾點走, 幾點番, 我都唔好意思答佢, 其實係唔想答, 因為佢都估到啦...我都唔想成日唔係屋企, 成日都番唔到來食晚飯...

教 完都唔想即刻番屋企, 可能有點失落. 教時係開心..可能開心同唔開心既感覺都係度, 教完開心的沒了, 剩下的只有唔開心的. 呢排間中都會失落, 想做的做唔到, 唔想做的就要 keep 住做. 精神缺了一點支持,起碼缺了一點音樂. 音樂可算係一種有效的心靈寄託. 聽歌唔係要令自己墮落多一點, 而係要令自己支持著. 有些歌係某時候我成日聽, 用來支持自己, 而家聽番就會令自己記番那時... 換句話說, 那些歌成為某時候的記憶體.

今 次一氣過買了四隻CD, 分別係陳奕迅的 U87, 周杰倫的葉惠美, november's Chopin, 及林海峰的三字頭. 其實想買 U87及葉惠美 好耐. 阿牛已係暑期要四時半起身去cra, 係收音機聽左好耐. 葉惠美更加耐, 以父之名 可算係扒double 個年既心靈支持. 可能因為個年炒左隻 double 感到非常內疚, 加上阿蔣暫時唔係度, 所以覺得好矛盾. 其實我聽歌好多時首先留意個旋律及配樂, 歌詞反而係最後先留意, 所以有時覺得好 feel, 未必代表歌詞應境. 我會較喜歡英式搖滾, 好似周杰倫的晴天和一路向北都是這一類.

葡萄成熟時- 誰都心酸過, 那個沒有.